يَا أَيُّهَا الَّذِينَ آمَنُوا لَا تَتَوَلَّوْا قَوْمًا غَضِبَ اللَّهُ عَلَيْهِمْ قَدْ يَئِسُوا مِنَ الْآخِرَةِ كَمَا يَئِسَ الْكُفَّارُ مِنْ أَصْحَابِ الْقُبُورِ ﴿۱۳﴾

ای ایمان والو دوستانه مه کوئ‌ دهغه قوم سره چه غضب کړی دی اللّه تعالٰی په هغوی باندی یقیناً‌ ناامیده دی دوی د آخرت نه لکه چه ناامیده دی کافران د دوباره ژوند دقبروالو نه ﴿۱۳﴾

[۱۳] دا آیت متعلق دی د ابتداء‌ دسورة سره چه دعویٰ دسورة ده - په ابتداء‌ د سورة کښی د عوامو مشرکانو نه برائت وؤ اوپه دی آیت کښی د کتابیانو کافرانو نه براء ت دی (قَدْ يَئِسُوا مِنَ الْآخِرَةِ ) یعنی د خیراو ثواب د آخرت نه ناامیده دی د وجی د عناد ددوی نه نو ښه پوهیږی چه ځمونږ په آخرت کښی اجر او ثواب نیشته (كَمَا يَئِسَ الْكُفَّارُ مِنْ أَصْحَابِ الْقُبُورِ) مِن بیانیه دی یعنی هغه کافران چه مړه شوی دی نو هغوی یقیناً د ثواب د اخرت نه نا امیده شوی دی یا هغوی د ژوندو نه نا امیده دی چه دوی به ورته څه خیر اورسوی یا معنیٰ داده لکه چه نا امیده دی ټول کافران د دوباره ژوند د اصحاب قبورنه -